Од овој модел се очекува да има силен старт на американско тло, каде што оригиналниот Microbus доби култен статус.
Кога станува збор за Volkswagen, сите погледи се насочени кон претстојното пристигнување на моделот VW ID.Buzz, кој пазарот го чека со години.
Неговата европската премиера е закажана за 9 март, а потоа автомобилот ќе ја има американската премиера во Остин. Имено, овој модел се очекува да има силен почеток на американско тло, каде што оригиналниот Microbus доби култен статус.
Кога станува збор за Европа, деновиве се појавија информации за можната цена. Германскиот Automobilwoche од неименувани извори дознава дека цените на VW ќе бидат многу слични на Multivan, односно на ниво од 60.000 евра.
Дополнително, во комбинација со државните стимулации, цената во Германија би можела да падне поблиску до сумата од 50.000 евра. Како што кажавме, премиерата е за нешто помалку од еден месец, а листата на нарачки ќе се отвори во мај.
Тоа ќе биде верзија со електромотор поставен одзади и погон на задните тркала, додека варијантата со погон на сите тркала подоцна ќе биде вклучена во понудата. Првите примероци ќе бидат доставени до клиентите на почетокот на септември. Истото важи и за 300 mm подолгата верзија со додатни седишта која ќе пристигне дополнително.
