33-годишната музичка ѕвезда и моден магнат го очекува своето прво бебе со раперот АСАП Роки. Веста која преку ноќ одекна низ целата планета, воодушеви многу фанови на овој сладок пар. Ријана не ги коментираше повеќемесечните шпекулации за бременоста, се до моментот кога – на свој начин не го покажа трудничкиот стомак со уникатна серија фотографии.
Идните родители викендов беа фотографирани во Њујорк, каде пејачката го откри својот стомак, облечена во долга, розова јакна и широк тексас фармерки со спуштен струк. Закопчана само на едно копче во пределот на градите, каде јакната го разоткрива труднички стомак кој беше украсен со детали во форма на голем златен крст, исполнет со разнобојни кристали, како и нанижани бисери.
На една од најнежните слики, направена во Харлем – областа каде што пораснал АСАП Роки, раперот ја бакнува својата идна мајка во чело, додека ужива во прошетка на снежниот ден.
Во мај 2021 година, за време на едно интервју, идниот татко изјавил дека Ријана е „љубовта на неговиот живот“, додека за основањето семејство рекол дека дефинитивно е во план и дека кога ќе се случи тоа ќе биде „извонреден татко.“.
Погледнете ја низата фотографии во нашата галерија!
