Ви се јаде нешто слатко, но немате време и намирници да направите комплициран десерт? Пробајте ги овие сирови колачи од чоколадо и путер од кикирики!
Состојки за колачот со три состојки:
170 грама млечно чоколадо
120 грама путер од кикирики
3 лажици шеќер во прав
Подготовка:
Чоколадото стопете го на пареа или во микробранова печка.
Добро измешајте го шеќерот во прав во путерот од кикирики.
Во метален калап за мафини ставете една лажица растопено чоколадо и намачкајте ја на површината. Потоа додадете една лажица од смесата од путерот од кикирики и шеќерот. На крај премачкајте со уште една лажица растопено чоколадо. Постапката повторете ја додека не ги потрошите сите состојки.
Ставете го во фрижидер околу еден час или додека чоколадото не се стврдне. Извадете ја оваа чоколадна фантазија од калапот и истурете. Добар апетит!
