Кога размислуваме за клучните елементи од гардероберот, првото нешто што ни паѓа на ум се слики од блејзери, блузи и фустани во црна, бела, темно сина и сива боја. Но, принтот на леопард долго време тајно се чува како тајно оружје на секоја жена.
Како ружа и црвена боја, леопардскиот принт веднаш ја подига секоја облека и одлично оди со речиси се. Ако модната писта е показател за некој тренд, овој принт моментално е најомилениот (повеќе од кога било). Раф Симонс го вметна дизајнот и си поигра со боите во својата најнова колекција за Диор, додека Бурбери создаде нови текстури со пегав принт на палта и чанти.
Носењето леопард принт во секојдневните прилики е секогаш моден предизвик, но Шерон Стоун со 63 успева да го истакне на нималку контроверзен или кич начин – што најчесто се случува кога се обидуваме да го изведеме овој многу ефикасен дизајн.
Легендарната актерка имавме можност да ја видиме неколку пати во еден таков стајлинг и секој пат на подеднакво впечатлив начин. Пред неколку недели е видена на премиерата на „King Richard“ во костум со животински принт, додека на почетокот на ноември на доделувањето на наградите „Pride od Britain“ прошетала на црвениот тепих во струкиран леопард фустан од Вера Ванг.
Актерката и овој викенд донесе совршен леопард стајлинг на премиерата на „The Tragedy of Macbeth“ во фустан со двоен лак – врзан околу вратот и половината. Шерон немаше да биде секс симбол во 60-тите, доколку на овој изглед не додаде сензуален момент, со шлиц на горниот дел, кој го откри нејзината тантела од чипка, како и на здолништето кое ја истакнува нејзината нога.
На рамената носела црн долг блејзер кој го спои со црна чанта, додека на нозете имала бордо потпетици. Стајлингот го заокружи со розови прстени, бидејќи дива како неа може да го направи тоа.
