Достапно точно на време за сезоната на празнични подароци.
Били Ајлиш долго време е обожавател на италијанската модна куќа Гучи, на чело со Алесандро Микеле. Како дел од соработката, уметницата заедно со италијанскиот бренд создадоа лимитирано издание на винил за нејзиниот последен албум „Happier Than Ever“.
Како дел од концептот, модната куќа постојано го прифаќа светот на новата музика и самоизразувањето. Во обид дополнително да ја развие својата идеја, Гучи создаде ексклузивна кутија, која содржи уникатно издание на последниот албум, „Happier Than Ever“.
Винилот е направен од рециклиран отпад од винил во сите бои на првото издание, што го прави секое парче целосно уникатно. Секој сет вклучува и нови налепници за нокти на Гучи, кои ги слават амблемите на куќата „GG“ и се достапни во само 10 бутици на Гучи ширум светот.
Лимитираното издание на винилот „Happier Than Ever“ е достапен во продавниците на Гучи од 2 декември.
