Доколку избегнувате слатки затоа што се плашите дека ќе се здебелите или моментално сте на диета, не мора целосно да се откажете од слатките. Важно е само мудро да ги комбинирате намирниците и да добиете здрав колач со помал процент на калории, но нема да и недостасува вкус.
Ви пренесуваме рецепт за колач со банана кој се топи во уста, се подготвува брзо и е многу едноставен. Може да го направат и почетници во кујната, а особено ќе уживате во комбинацијата на јогурт и банана. Наместо шеќер користиме мед, а белото брашно го заменуваме со интегрално!
Состојки:
1 чаша интегрално пченично брашно
1 јајце
100 гр грчки јогурт
1/4 лажичка екстракт од ванила
1 лажица растително масло
2 лажици мед
2 банани
1/4 лажичка сода бикарбона
1/4 лажичка мелен цимет
1/4 лажичка сол
За фил:
100 гр крем сирење со намалена маснотија
50 гр грчки јогурт
1/4 лажичка екстракт од ванила
1 лажица мед
Подготовка:
Ставете ја рерната да се загрее на 180 степени. Обложете добро со хартија за печење. Во блендер ставете банани, 100 гр грчки јогурт, мед, 1/4 лажичка екстракт од ванила, масло и јајце. Мешајте додека не добиете еднолична смеса, околу 1 минута. Во поголем сад изматете ги брашното, циметот, сода бикарбоната и солта. Направената смеса ја оставате на страна. Истурете ги измешаните влажни состојки во сувите состојки. Добро изматете додека не се соединат. Исипете го тестото во тавата и печете 25-30 минути или додека вметнатата чепкалка не излезе чиста. Оставете да се излади.
Направете фил од 100 гр крем сирење, 50 гр грчки јогурт, 1/4 лажичка екстракт од ванила и 1 лажица мед. Сите состојки изматете ги со миксер, па нанесете ги на испечениот и изладен колач. Исечете ја тортата на коцки и уживајте.
Во едно средно парче од оваа торта има околу 190 калории.
