Комбинацијата на италијански вкусови и париски шарм се појавува во сосема новиот ресторан „Gigi“, ново обележје во Градот на светлината, кој не кани на врвно кулинарско патување со арома на Италија!
По веќе обожаваниот Maison Russe – новиот ресторан во кој се служи руски јадења – во Париз е отворен уште еден локалитет кој го носи името „Gigi“. Тоа е место со неверојатна архитектура, каде што посетителот може да ги проба највкусните и најпрефинетите италијански јадења.
Новиот „храм“ на италијанската гастрономија е ултимативна дестинација за љубителите на оваа кујна, како и за оние кои сакаат да се обединат со париската префинетост. Лоциран на историскиот и раздвижен 15 av Montaigne, ресторанот Gigi ја слави италијанската кујна додека на гостите им дава можност да уживаат во вистинското градско гостопримство, со прекрасен поглед на Ајфеловата кула.
Што се однесува до архитектурата, гледаме дека топлите нијанси создале совршена основа за целосно „топло“ и пријатно опкружување, великодушно нудејќи незаборавно гастрономско искуство. Забележуваме дека деталите на таваните и столбовите кои го карактеризираат дизајнот на ентериерот се протагонисти на секој агол на новиот ресторан, додека во исто време металните детали и идеалното осветлување создаваат совршена атмосфера инспирирана од Париз.
Италијанската долче вита во сиот свој сјај е претставена преку вкусните јадења. Мајсторите на гастрономијата успеаја на најдобар можен начин да ја внесат традицијата и најамблематичните вкусови на италијанската култура во секое од јадењата, во комбинација со помодерни верзии. Резултатот? Вкусови кои го полудуваат непцето и на најпребирливите посетители!
Гастрономското патување несомнено ќе биде незаборавно за секого, благодарение на внимателниот избор на јадења, како рижото Di Gigi, шпагети лангусте и песто џеновезе, со специјални, висококвалитетни пијалоци кои се нудат. Целото искуство е комплетирано со посебна музичка подлога која одлично се вклопува во префинетата атмосфера на просторот. Овде се организираат бројни музички и танцови вечери, каде што гостите имаат можност да го комбинираат убавото јадење со атмосферските звуци на џезот.
Прелистајте ја галеријата за да откриете повеќе фотографии од ресторанот!
