Зимата со себе носи поларна светлина, а вие со себе – шатори и скии!
Кога говорат за тоа, Швеѓаните обично велат дека Сарек е „најдраматичниот и најграндиозниот“ од сите национални паркови. Го красат планини над 2.000 метри со речиси сто глечери. Сите заедно се пресечени со остри и долги долини и диви води.
Ова повлекува со себе едно „но“. Станува збор за парк кој е меѓу најнепристапните во Шведска. Оваа убавина бара малку труд, но не е невозможна мисија. Потребно е малку форма и добри планинарски чевли. Имено, во овој парк нема да влезете со автомобил – нема патишта, означени патеки, ниту сместување.
Паркот се наоѓа во провинцијата Лапонија во северна Скандинавија. Самиот регион е познат по народот Саами кој живее во Норвешка, Шведска, Финска и Русија. Тие често живеат поврзани со природата, па мештаните ги препознаваат како шумски Саами, планински Саами, морски Саами…
Покрај планинските врвови, можете да уживате и во долините. Најголемата долина се вика Рапа и се протега на 40 квадратни километри, а ја пресекуваат реката и нејзините притоки, што изгледа особено импресивно кога се гледа од височина.
Во кое време и да дојдете, ќе ве пречекаат неверојатни сцени. Пролетта и летото се резервирани за љубителите на сонцето, зеленилото и птиците кои во овој момент се враќаат дома. Реките и потоците набабруваат поради топењето на мразот, а ова е и сезона кога се раѓаат ирваси, па затоа треба да внимавате да не ги вознемирувате.
Летото е идеално време за љубителите на гастрономијата кои ќе имаат можност да купат свеж и миризлив домашен леб и свежа риба во живеалиштата на народот Саами. Едноставен оброк кој ќе вреди злато, особено по добра „хајка“.
Есента носи сосема нови бои и малку посвежо време. Но, многумина ќе се согласат дека не е премногу студено да се пропушти рапсодијата што доминира во шумата. А зимата? Најдолгото време ја носи поларната светлина, а вие понесете со себе – шатори и скии! Забавата е загарантирана.
