Лисабон, Порто, Коимбра… Сите горе-долу сме слушнале за овие португалски градови, но што е со оние мали скапоцени камења што реално ќе ги посетиме само попатно? Ова се дел од причините зошто треба да ги посетите овие мали и не толку познати дестинации на Португалија…
Тавира
Овој град се наоѓа во прилично туристички регион на Алгарве, некако го преживеа напливот на туристи и огромни гужви. Главната причина за тоа секако е неговата положба, која не е на самиот брег, туку малку во внатрешноста. Дури и ако верата не ви значи многу во животот, тешко е да останете имуни на дури 37 цркви во градот, а откако ќе посетите некои од нив, можете да уживате во еден од безбројните ресторани со морска храна.
Евора
Прекрасниот историски град е всушност музеј на отворено со споменици кои датираат од римско време. Природата е прекрасна, а наоколу се мали села во кои можете да уживате во фантастични вина. Самата Евора може да се пофали со одлични ресторани и барови, но и музеи и галерии. Градот се наоѓа во регионот Алентехо, во внатрешноста на земјата, па затоа во лето, кога живата во термометарот се искачува и до 40 степени, подобро е да не планирате посета.
Томар
Овој град е навистина скриен скапоцен камен, дом на едно од најважните упоришта на Темпларите. Овде е познатата капела „Convento de Cristo“, која беше ставена на листата на светско наследство од УНЕСКО. Задоволство е да талкате по тивките калдрмани улици на стариот град или да седите во некој од баровите на главниот плоштад со поглед на тврдините. Томар се наоѓа и во внатрешноста, а можете да го посетите ако одите од Лисабон до Коимбра или обратно.
Авеиро
Ако го посетувате Томар патувајќи од Лисабон до Коимбра, тогаш на некое подоцнежно патување во Порто, застанете и во Авеиро. Овој град, изграден на канал, понекогаш го нарекуваат и „португалска Венеција“, а во него можете да откриете југендстилски градби, но и огромни недопрени плажи. Секако, гастрономијата не заостанува, а посебна репутација имаат и разните десерти, од кои се издвојуваат „ovos moles“.
Гимараеш
Со оглед на тоа што овој град се смета за „родно место на Португалија“, зачудувачки е што не е на редовни туристички рути. Од Порто е оддалечен еден час со воз, а животот во него е, ќе забележите по пристигнувањето – прилично опуштен. Историскиот центар на градот е дел од светското наследство на УНЕСКО веќе 20 години, а овој град, кој се наоѓа на самиот север од земјата, и нема да ве разочара.
