Луксузен селски имот лоциран во југозападниот дел на Англија е достапен на продажба за сума од 4,95 милиони фунти (6,7 милиони долари). Она што го прави имотот интересен е тоа што сопствениците би можеле да бидат посетени од членови на кралското семејство.
Имотот, познат како „Brimptsmead“, е едвардианска семејна куќа со шест спални соби. Зафаќа 9,22 хектари земјиште во Националниот парк Дартмур. Има шума и крајбрежје на реката Дарт. Меѓутоа, за да живеете во импозантна вила со повеќе од шест соби, ќе мора да прифатите еден многу посебен услов – повремената посета на принцот. Договорот предвидува Чарлс да може да ја посети земјата поради риболов, доколку 24 часа однапред ги информира сопствениците за планираната посета.
Сегашните сопственици го купиле имотот од принцот Чарлс пред околу 27 години. При продажбата го задржал правото на риболов на брегот на реката што тече таму. Компанијата за недвижнини објави дека иако принцот Чарлс не дошол кај сегашните сопственици, тој секако има „зелено светло“ за ова извонредно место за риболов, се разбира кога принцот ќе посака.
Новите сопственици ќе можат да уживаат во главната резиденција со шест спални соби, која е изградена од розов гранит и има куполи со 26.000 плочки од црвена глина. Во прилог на главната куќа на имотот, постојат две викендички. Бидејќи имотот е опкружен со национален парк и е во сопственост на војводата од Корнвол, имотот е опишан како „многу необична можност во областа“.
Што се однесува до Војводството Корнвол, тоа е приватна сопственост, која му припаѓа на војводата од Корнвол, најстариот син на британската кралица, а со тоа и на престолонаследникот. Војводата од Корнвол или принцот Чарлс е војводата со најдолг стаж од создавањето на војводството во 1337 година.
Во моментов, принцот Чарлс, заедно со неговата сопруга Камила, имаат дом во Англија, Шкотска и Велс, а Кларенс Хаус е нивна официјална резиденција во Лондон.
