Музичкото видео од 2002 година доби свое продолжение!
За својата празнична рекламна кампања, „Coach“ им оддава почит на иконите кои остануваат актуелни засекогаш. Оваа година Џеј Ло неколку пати нè враќа во раните 2000-ти – со обновената врска со Бен Афлек, многубројните моменти од нивната љубовна приказна што повторно ја доживеаја, а сега со релансирањето на песната „All I Have“ од 2002 година.
Пејачката се вратила на своето старо видео по повод лансирањето на празничната кампања Coach, а брендот тематски го нарече овој краток филм „Jennifer Lopez in All I Have, 2021 Edition“.
Спотот во режија на Џејсон Берг вклучува кадри, директно „поземени“ од почетокот на спотот за „All I Have“, но продолжува и денес, кога Џенифер е целосно облечена во најновите парчиња на Coach и изгледа посреќна од кога било.
„Џенифер е толку посебна. Таа е решена и продолжува да оди по својот пат, правејќи ги работите на свој начин – таа навистина совршено го реконструира пристапот на брендот Coach“, изјави Стјуарт Веверс, креативниот директор на брендот.
