Кога „nazi party“ проектот станува само „party“ проект…
Кога Британците го бомбардирале Берлин за време на Втората светска војна во октомври 1940 година, Хитлер сфати дека ќе мора да ја подигне својата одбрана од воздушни напади на повисоко ниво. Така е родена идејата за изградба на т.н флак кули.
Масивните бетонски кули, т.е. флак кули, ја заштитија Германија од воздушните напади на сојузниците во Втората светска војна. Тие биле високи меѓу 45 и 70 метри, а нивните ѕидови имале дебелина нешто повеќе од три метри. Тие можеле да згрижат околу 15.000 луѓе во случај на воздушен напад и во себе имале опремени болници.
Изградени се осум „главни“ кули – три во Берлин, две во Хамбург и три во Виена, а поскромни верзии можеа да се најдат во Франкфурт и Штутгарт. Колку тој лично бил заинтересиран за нивната изградба сведочи и фактот што самиот Хитлер се обидел да направи нацрти за некои од нив.
Кога „nazi party“ проектот станува само „party“ проект…
Иако половина од нив беа урнати по војната, и денес овие застрашувачки бруталистички згради можат да се најдат на териториите кои некогаш биле освоени од нацистичка Германија. Некои се користат како ноќни клубови или места за хортикултурно експериментирање.
На пример, во Берлин ќе најдете дел од поранешниот Flakturm III. Флактурм IV во Хамбург до неодамна беше ноќен клуб, а денес се работи на тоа да стане луксузен хотел. А можеби најатрактивен е виенскиот Flakturm V, во кој се наоѓа јавниот аквариум Haus des Meeres (Куќа на морето) од 1957 година.
