Островите ги красат карпи, зелени долини, но и фјордови, па можеме да ги наречеме рај за сите љубители на природата. Исто така, жителите се срдечни, но и различни, со оглед на тоа што меѓу жителите се среќаваат дури 77 различни националности…
Фарските Острови и Гренланд се две автономни територии на Кралството Данска, сместени во Атлантикот. Гренланд е, површно, најголемиот остров на светот, но на него живеат само 56.000 души. Од друга страна, Фарските Острови се прилично мали по површина, но таму живеат само 7.000 луѓе помалку отколку на Гренланд.
Вкупно 17 од 18-те острови се населени и се наоѓаат помеѓу Шкотска и Исланд. Поради својата уникатност, местоположба и историја, за многумина се интересни, но изгледа дека туризмот се развива дури во последните години, а овие острови во просек ги посетуваат 110 илјади туристи. Овие вулкански острови се меѓусебно поврзани со два подземни тунели, три моста и бројни фериботи. Како и да е, ако одите овде, поврзаноста помеѓу островите не мора да ве загрижува.
Островите ги красат карпи, зелени долини, но и фјордови, па можеме да ги наречеме рај за сите љубители на природата. Исто така, жителите се срдечни, но и различни, со оглед на тоа што меѓу жителите се среќаваат дури 77 различни националности. Еден од заштитните знаци е водопадот Мулафосур кој се влева во океанот. Специјалитет на островот се и птиците, фарските пуфини, кои изгледаат како мини пингвини.
Што се однесува до сместувањето, советот е да го решите пред патувањето, бидејќи може да биде исклучително скапо. Секако, една од опциите е и кампувањето, но со оглед на чудното време и фактот дека тоа не е дозволено „на отворено“, се чини поразумно да се најде некој вид на Airbnb.
Што се однесува до гастрономијата, ако патувате со ограничен буџет, заборавете на јадењето надвор. Тие се прилично скапи, па затоа ќе мора да се задоволите со храна од супермаркет. Таму би можеле да имате проблем со пиењето, бидејќи сите пијалоци кои имаат повеќе од 2,8 отсто алкохол се продаваат исклучиво во специјализирани продавници.
Во секој случај, доколку се одлучите да одите во тој правец, ќе направете многу добри фотографии, а секко во тоа ќе уживате, бидејќи овие пејзажи не оставаат простор за ништо друго.
