Префинет, затоплувачки и заводлив – сите аспекти на ванилата во еден уникатен миризлив состав.
Ванилата е една од најбараните состојки, а денес на парфимерите им е се потешко да не изненадат со нови миризливи композиции со оваа состојка. Франсоа Демаши реши да го освежи нашиот интерес за најкласичните ароми и да ги „размрда“ застарените клишеа и стереотипи.
Неговата нова креација – „Vanilla Diorama“ – открива нови аспекти на ванилата и ве предизвикува да го допрете нејзиниот најискрен и најбрилијантен звук.
Мадагаскарска (бурбонска) ванила е вистинска ризница на висока парфимерија, која не секој мајстор може да ја вгради во своите композиции. Франсоа Демаши му дава посебен разигран тон со рум и пачули. Благодарение на ова тројство, ванилата е богата, но не и тешка.
Парфемот е и референца за омилениот десерт на Кристијан Диор, основачот на брендот, кој го носи истото име како и мирисот (Diorama Gourmand). Се уште не е позната тајната на правењето на оваа бонбона која е создадена специјално за дизајнерот во легендарниот париски ресторан „Maxim’s“. Сепак, информациите за некои од компонентите што го сочинуваа десертот стигнаа до наше време: сладолед од ванила, сочен портокал и темно чоколадо. Последните две компоненти се рефлектираат во миризливата пирамида на ванила диорама, давајќи ѝ свежина и длабочина.
„Преку „Vanilla Diorama“ сакав да оддадам почит на една ваква ретка и благородна состојка како што е ванилата од Мадагаскар“, изјави Франсоа Демаши, водечкиот парфимер на Диор.
