Најволшебниот период од годината ќе биде уште поубав со новата колекција на Estee Lauder’s Holiday 2021. Оваа година познатиот бренд за убавина се здружи со Дизни за да ни претстави вистинска магија.
Во партнерство со дизајнерката на накит Моника Рич Косан, легендарните ликови на Дизни беа оживеани на уметнички начин. Детални од емајл и кристал и инспирирани од авантурите на Мики и Мини Маус, уникатните парчиња се навистина уметнички дела.
Solid Parfume доаѓа во три дизајни во различни мириси со цитати од архивата на Дизни. Има „To Laugh At Yourself Is To Love Yourself“ дизајнирано од Мики Маус исполнет со мирис на Beautiful Belle, цветно-овошна мешавина од личи, мимоза и ливчиња од роза.
Потоа следува „Say Yes To New Adventures“ во компактно шише во облик на куфер со прекрасен мирис, букет рози, лилјани и тубероза и на крајот „Caring In The Little Things“ со Мини којa ужива во бања со меурчиња, заедно со свеж цветен парфем Задоволства кои изобилуваат со лилјани, бели божури и егзотични рози.
Празничната колекција носи три компактни пудри Perfecting Pressed Powder – „The Bolder The Better“, „Always Be Yourself“ и „Perfect Pair“ во метални кутии. Секој содржи цитат на Дизни впишан на внатрешното огледало за дневна доза на магија.
Ограничената колекција Disney Magic of Mickey ќе биде ексклузивно достапна во бутиците на Estee Lauder од 1 ноември 2021 година.
