„Парите се лепат на пари“.
Илон Маск, најбогатиот човек на светот, со богатство проценето на 241 милијарда долари, би можел да стане првиот трилионер, предвидува инвестициската банка.
Аналитичарите на Морган Стенли предвидуваат дека Маск, кој најголем дел од своето богатство го заработил во производителот на електрични автомобили Тесла, би можел да заработи многу повеќе пари од неговиот старт-ап вселенски бизнис наречен SpaceX.
„Неколку клиенти ни кажаа дека Илон Маск ќе стане првиот трилионер… тоа нема да биде поради Тесла. Други рекоа дека SpaceX на крајот може да биде најценетата компанија во светот “, изјави аналитичарот Адам Џонс.
„Вселенските ракети за повеќекратна употреба кои можат да однесат луѓе и товар на Месечината и Марс имаат потенцијал да ги променат очекувањата на инвеститорите во вселенската индустрија. Како што рече еден клиент: да се зборува за вселената пред Starship е како да се зборува за Интернет пред Гугл“, додаде Џонс.
Џонс проценува дека SpaceX во приватна сопственост би можел да вреди 200 милијарди долари и да продолжи да расте бидејќи експлоатира голем број потенцијални индустрии, вклучувајќи вселенска инфраструктура, набљудување на Земјата и истражување на вселената.
Компанијата се проценува на 100 милијарди долари во секундарна продажба на акции овој месец, што ја прави втората по големина приватна компанија во светот, зад интернет компанијата BiteDance. Маск поседува околу 48% од SpaceX.
Имено, Илон Маск го престигна сопственикот на Амазон Џеф Безос и стана најбогатиот човек на светот во јануари, за да се врати повторно на првото место, пред него, подоцна во текот на годината. Според индексот на милијардери на Блумберг, тој поседува 241 милијарда долари во готовина, околу 42 милијарди повеќе од Безос.
