Кејт Мидлтон едноставно не престанува да извојува модни победи! Откако се појави во никогаш погламурозно издание на британската премиера на новиот Џејмс Бонд облечена во виолетово одело за време на неодамнешната посета на Ирска, војвотката од Кембриџ повторно триумфираше во модата, овојпат во елегантно црвено издание.
Миленичката на британската јавност Кејт Мидлтон уште еднаш ги украде сите погледи кога се појави во женска комбинација на настан чија цел беше подигнување на свеста за многуте опасности од зависност.
Благодарение на нејзината одлична фигура, на мајката на три деца сѐ ѝ стои како ,,слиено”, но овој стајлинг е полн погодок, пред се поради префинетите парчиња што ги избра Кејт.
Впечатливото плисирано здолниште е потпишано од британскиот дизајнер Кристопер Кејн, а волнената долчевита во иста црвена нијанса на легендарниот Ралф Лорен.
Комбинацијата на дамaта ја комплетираше 39-годишната сопруга на принцот Вилијам со кафеава чанта од лондонскиот бренд DeMellier, која ја обожаваат другите (поранешни и сегашни) членови на кралското семејство, вклучувајќи ги Меган Маркл, Пипа Мидлтон и Камила Паркер Боулс.
Ралф Лорен е одговорен за чевлите во иста нијанса на кафеава боја, а потребно е да се издвојат 675 американски долари за моделот Селија.
Интересно, војвотката од Кембриџ, која обично ја гледаме и со кралски скапоцени камења, избра златни обетки од ASOS, кои чинеа нешто повеќе од 10 фунти, како моден детал.
Со ова издание, војвотката заработи и комплименти од експертите за убавина, кои едногласно ја пофалија пристојната шминка и нејзините, веќе карактеристични, благи кадрици.
