До скоро многу добро знаевме за хранливоста на бананата, но од неодамна се повеќе се популаризира и оној дел кој до сега сме го фрлале: кората.
Имено, меѓу останатите корисни влијанија на кората од банана, како на пример примена при убод од инсект или иритација на кожата, таа може да се користи и за козметички цели.
Го намалува отокот и темните кругови под очите
Бананите се познати како овошје со многу калиум што може да помогне да се хидрира и спречи задржување на течности во кожата, што ги прави одлични за намалување на отоци и ,,вреќи” околу очите. Покрај тоа, бананите, исто така, можат да се пофалат со витамини Ц, Е, Б и А, антиоксиданси кои можат да ги неутрализираат слободните радикали и да ја осветлат кожата.
Како да направите маска
По совет на докторот за семејна медицина Биндије Ганди, доволно е да ја протриете здробената банана на пределот околу очите – ќе ги смири и осветли очните капаци. И можете да се одлучите за трикот Тери Млотек кој вклучува кора од банана:
“Со лажица изгребете ги белите влакна од кората од банана. Измешајте ги влакната со алое вера; ако ја немате дома, користете ја вашата омилена хидратантна крема. Потопете ја добиената маска под очите и оставете да отстои пет до десет минути пред добро да се исплакне со млака вода “- советува Тери Млотек.
