Експертите велат дека нерамниот терен е главниот „виновник“ за неговата необична форма, што ќе го забележите само кога ќе го погледнете од птичја перспектива…
Центурипе е древен град кој зафаќа околу 173 квадратни километри во италијанската провинција Ена во источна Сицилија.
Прво се споменува во историските списи како град на племето Сикули уште во 5 век п.н.е. Низ историјата, се соочуваше со интензивни инвазии и освојувања – усвоен од античките Грци и Римјани, Арапи, Нормани и Анжуанци.
Центурипе се наоѓа помеѓу реките Дитатино и Симето на ридски терен, на надморска височина од околу 730 метри. Експертите велат дека нерамниот терен е главниот „виновник“ за неговата необична форма, што ќе го забележите само кога ќе го погледнете од птичја перспектива.
Имено, веќе некое време на социјалните мрежи се споделуваат воздушни фотографии од Центурипе, на кои се гледа дека центарот на градот се шири во пет различни гранки. Затоа, некои споделуваат дека градот личи на морска sвезда, а други на монументален човек со раширени раце и нозе.
Ако се најдете во овој сицилијански бисер, задолжително истражете ги неговите особености – од остатоците од укрепените sидови што го опкружуваат градот, преку неколку стари цркви до археолошкиот музеј „Museo archeologico regionale di Centuripie“, кој ги чува тајните на оваа област.
Од Центурипе, исто така, можете да уживате во неверојатен поглед на највисокиот вулкан во Европа – планината Етна – кој се издига на височина од околу 3354 метри.
