За разлика од многу сопственици на автомобили низ целиот свет, еден Австралиец немал поим што има во неговата гаража. Затоа, новиот „газда“ одлучил да го продаде стариот прашлив Субару, кој претходно три пати менувал сопственик.
Интересен факт е дека новиот соптсвеник за него се надевал на крајот да добие околу 20 илјади австралиски долари (12.740 евра).
Меѓутоа, се покажа дека стариот автомобил, кој собираше прашина со години – вреди 490.000 долари (околу 313.000 евра), откако експертите открија дека станува збор за едно од возилата Субару Импреза, кое на Светското рели првенство во 1994 година (WRC) е управувано од легендарните рели возачи Колин МекРеј и Карлос Сајнц.
Вистинскиот идентитет и вредноста на автомобилот се откриени кога сопственикот одлучил да го продаде возилото, каде што претходно возилото е дадено на проценка на експерти, кои брзо утврдиле за каков автомобил станува збор и ја одредиле неговата вистинска вредност.
Познатиот рели автомобил не бил во одлична состојба, но сепак го содржеше оригиналниот 2.0 „боксер“ мотор со турбо полнач, поврзан со шестстепен мануелен менувач. Телото ја задржа оригиналната сина боја.
Легендарниот Субару Импреза е продаден на аукција на неименуван колекционер, секако целосно рестравиран со неговите препознатливи жолти ленти.
