Ронда ги остава без здив дури и најтврдокорните патници. Се наоѓа во Андалузија на карпа висока 150 метри и можете да му се восхитувате од мостот Порте Нуево…
Да, да, Мадрид, Барселона, па дури и Валенсија и Севилја веќе ви се добро познати, но Шпанија исто така изобилува со помали градови, кои, всушност, се вистински скапоцени камења.
Сонлива Саламанка
Грациозната архитектура и прекрасната атмосфера го прават овој град неизбежно место на трасата помеѓу Мадрид и Лисабон. Градот има дури две катедрали и прекрасна универзитетска зграда која датира од 15 век. Додека шетате по градските улици ќе се чувствувате како да сте на снимање филм. Во текот на денот ќе ги видите имињата на улиците напишани на рачно насликани табли, а навечер е време кога можете да почувствувате младешка атмосфера на градот преполн со студенти.
Заводлива Замора
Овде, поточно до градот ќе се приближите на карпестиот врв со преминување на средновековен мост над реката Дуеро. Повеќе од 20 романескни цркви, средновековен замок и збирка згради од арт деко се доволна причина за посета на Замора, а во него се наоѓа и познатиот музеј за скулптури Лобо. Реката Дуеро распространува низ градот со прекрасен поглед на зелени ридови што го опкружуваат. Особено поворката за време на Светата недела е импресивна.
Сензационална Сеговија
Само еден час северозападно од Мадрид е овој прекрасен град најпознат по римскиот аквадукт од 1 век и Алказар, замок кој изгледа како да е изграден од Волт Дизни. Градот исто така може да се пофали со најмодерната готска катедрала во Европа. Овде ќе најдете совршена комбинација на архитектура и гастрономија што е навистина срамно да се пропушти.
Рустикална Ронда
Ронда ги остава без здив дури и најтврдокорните патници. Се наоѓа во Андалузија на карпа висока 150 метри и можете да му се восхитувате од мостот Порте Нуево. Архитектурата совршено го прикажува влијанието на Арапите, Римјаните и католичките свештеници, а улиците со калдрма водат до една од најстарите шпански арени за борби со бикови.
Мистериозно Толедо
За многумина, Толедо е омилен шпански град. Во него, ќе се чувствувате како да сте зачекориле во друг век. Импресивните sидови и градските порти се првото нешто што ќе ве воодушеви, а по еден час прошетка низ градот ќе талкате до Мирадор, место со панорамски поглед на целиот град.
Раздвижениот Виго
Раздвижениот пристанишен град е полн со прифатливи луѓе и врвни деликатеси. Локалниот специјалитет е октопод што не е чудно со оглед на тоа што градот се наоѓа на брегот на Галициското Море и секој ресторан може да се пофали со своја верзија на јадења од октопод. Она што го прави особено привлечно е тоа што цените се многу попопуларни од познатите шпански градови и само 45 минути со траект се островите Сис со едни од најубавите плажи во светот.
