Иако сме во текот на месец октомври, дозволуваме празничната сезона токму сега да влезе со својата топлина во нашите срца…
Подготвувајќи се за празничната сезона, „Dior Makeup“ ја претстави целата своја Holiday колекција, која вклучува производи за нега на кожа, парфеми и шминка, каде што ќе ги понуди своите најнови парчиња и бестселер производи што ќе можете да ги подарите на себе или на вашите најблиски.
Колекцијата е претставена со годишниот адвент календар, кој содржи 24 минијатурни верзии на производи од Диор од домени на парфеми, шминка, производи за нега на кожа и миризливи свеќи. Покрај тоа, креативниот директор на Dior Makeup, Питер Филипс, ја состави колекцијата „Atelier of Dreams“, која содржи „Rouge Dior Minaudiere“, метална златна футрола со врежани кармини. Асортиманот вклучува и нови палети, кои ги сочинуваат празничните нијанси.
Ви предлагаме да ја разгледате нашата галерија за да го разбудите празничниот дух во вас токму сега. Колекцијата ќе биде достапна за купување од 25 октомври преку Интернет, и од 1 ноември во бутиците на брендот.
