Јаболката се едно од плодовите што може да се користат за правење разновидни десерти. Покрај класичната пита, љубителите на слатки закуски особено сакаат чизкејк во кој ова освежително овошје игра голема улога, а подолу можете да најдете едноставен рецепт за торта збогатена со цимет и карамела…
Кога есента тропа на вратата, десерти од јаболка извираат од корицата на секоја книга за готвење. Ако немате идеја како да го искористите ова сочно и здраво овошје за да подготвите малку поинаков десерт, како пита или штрудла, направете го овој кремаст чизкејк десерт.
Освежителната торта, која може да се подготви на мал милион начини, е навистина божествена кога се прави во комбинација со јаболка, цимет и карамела. Ако самото спомнување на овој десерт веќе ве инспирира, подолу ви нудиме рецепт со кој дури и почетниците ќе се изненадат од својата умешност.
Подлога:
- 12 Дигестивни или ситни бисквити
- 6 лажици стопен путер
- лажичка цимет
- прстофат сол
Смеса:
- 500 гр крем сирење
- прелив од карамела
- лажица шеќер
- 3 јајца
- лажица кисела павлака
- лажичка екстракт од ванила
- 2 лажици повеќенаменско брашно
- лажичка цимет
- прстофат сол
Фил:
- лажица кафеав шеќер
- лажичка брашно
- лажичка мелен цимет
- лажичка сол
- 4 лажици стопен путер
- 2 излупени и ситно сецкани јаболка
- прелив од карамела
Постапка:
Загрејте ја рерната на 180 ° C и премачкајте го калапот со путер. Во сад измешајте ги издробените бисквити, растопениот путер, цимет, шеќер и сол и рамномерно распоредете ја добиената смеса на дното на плехот за печење.
Во голем сад, со помош на миксер, измешајте ги крем сирењето, преливот од карамела и шеќерот додека смесата не се соедини целосно, а потоа додадете ги јајцата едно по едно. Потоа измешајте ги киселата павлака и ванилата, додајте брашно, сол и цимет и матете додека не се соедини сѐ и добиената густа смеса истурете ја врз кората.
Врз тортата рамномерно распоредете ги ситно исечканите јаболка, па прелијте со преливот добиен од кафеавиот шеќер, брашното, циметот, солта и путерот.
Печете во рерна околу 90 минути, а потоа ставете ја тортата во фрижидер да се излади најмалку четири часа. Посипете со прелив од карамела при сервирање.
