Во случај ако има такви кои до сега не забележале дека Џенифер Лопез и Бен Афлек повторно се заедно, по речиси 20 години откако ја прекинаа венчавката, двојката што како феникс се ,,роди повторно”, викендов тргнаа во прошетка низ паркот на Менхетен за статусот на нивната врска да го обелоденат кристално јасно.
Бенифер сака светот да знае дека се повторно заедно.
Откако го помина летото на Ривиера во костим за капење од „Валентино“ штитејќи се од сонцето.. но и од јавноста под огромниот шешир и потпетици кои ѝ пркосат на гравитацијата, Џеј Ло навистина умешно се префрли во новата есенска гардероба.
Изгледајќи карактеристично сјајно, во нејзин стил, на есенското сонце, нејзините локни со боја на карамел, разиграно го ,,скокоткаа” нејзиниот зелен кариран капут од колекцијата на Кристијан Диор за есен/зима 2020 година, додека таа заљубено гледаше во својата втора половина. Таа, исто така, ги замени своите летни плутени сандали од брендот „Долче и Габана“, украсени со бисери, на задниот дел, со пар чизми „Кристијан Лубутин“ со врвки-секако, со потпетици на висока платфотма, се разбира.
Без оглед на вашето лично мислење за реинкарнацијата на Бенифер, вистинските романтични сцени што тие ѝ приредуваат на јавноста се неодоливи. Единственото нешто што недостасува од оваа пријатна вињета е Pumpkin Spice Latte. Исто така е корисно потсетување дека сезоната на палто (и манжетни) полека но сигурно пристигна.
