Канцеларијата се состои од само една просторија од 72 квадратни метри, која е делумно покриена со проѕирен ѕид.
Шпанската архитектонска фирма SelgasCano потпишува неколку интересни проекти низ целиот свет – од Auditorio de Badajoz, Auditorio El Batel Cartagena и Auditorio de Plasencia во Шпанија, преку заеднички згради во Лондон, Португалија и Лос Анџелес до училиште и центар за вакцинација во Африка.
Најпосетен проект, сепак, е нивната архитектонска канцеларија среде шума, односно во близина на Мадрид, изградена во 2008 година. Хозе Селгас и Лусија Кано дизајнирале тубуларна канцеларија долга 18 метри, широка околу четири метри и висока околу 2,5 метри.
Канцеларијата се состои од само една просторија од 72 квадратни метри, која е делумно покриена со про проѕирен ѕид. Поточно, sидовите од едната страна се направени од фиберглас со дебелина од 11 сантиметри и овозможуваат спектакуларен поглед од работното место до околината. Затоа, вработените се чувствуваат како да работат од самата шума.
Масите се отстранети од директна сончева светлина и овозможуваат нормална работа во текот на денот. Дел од зградата е закопан 1,2 метри под земја, поради што канцеларијата останува добро климатизирана дури и за време на најжешките шпански лета.
Погледнете како изгледа еден работен ден од архитектонската канцеларија SelgasCano во нашата фотогалерија.
