Целиот 96-ти кат од 432 Парк Авенија е окупиран од прекрасен пентхаус целосно опремен со луксузни парчиња Фенди, Бентли и Хермес.
Највисокиот пентхаус во Њујорк официјално излезе на пазарот и има исклучителна цена. Понуден за 169 милиони долари, целиот последен кат, 432 Парк Авенија сега е еден од најскапите имоти во градот.
Облакодерот, дизајниран од уругвајскиот архитект Рафаел Вињоли и дизајниран од њујоршката фирма „Deborah Berke Partners“, предизвика голем интерес кога е изграден овој објект пред шест години, каде привлече богати купувачи (меѓу нив Џенифер Лопез и Алекс Родригез) благодарение на неговата пространост и беспрекорен поглед.
Иако неодамнешните извештаи содржат детални поплаки од сегашните станари, тоа не го спречи сегашниот сопственик, саудискиот милијардер Фаваз Ал Хокаир, да биде амбициозен со деветцифрена барачка цена – приближно двојно повеќе отколку што плати во 2016 година.
Пентхаусот се простира на 830 квадратни метри, има шест спални соби, седум купатила, приватен лифт, библиотека и голема просторија свртена кон исток. Опремен е со колекција дизајнерски мебел од најпознатите брендови како Фенди, Бентли и Хермес – и сето ова е вклучено во цената.
Зградата, исто така, доаѓа со голем број луксузни удобности, вклучувајќи затворен базен, најсовремена теретана, сауна и винарски визби со клима-контрола.
Фотографиите од овој неверојатен стан погледнете ги во нашата галерија.
