Кога станува збор за генерацијата Z, сè што се смета за релевантно, прво ќе се појави на Инстаграм.
Интернетот не престанува да зуи откако пејачката Адел не само што се појави во феноменалниот бајковит дизајн на модната куќа Скиапарели пред два дена, туку објави и заедничка фотографија со нејзиното ново момче Рич Пол на нејзиниот Инстаграм профил.
Исто како нејзината колешка Џеј Ло, Адел одлучи да ги следи упатствата на играта според кои работи Z генерацијата, и да го извести целиот свет за нејзиниот љубовен живот со една објава на социјалната мрежа.
Се разбира, сега секој сака да знае сè за нејзиниот нов партнер, а ние ги имаме сите детали.
Значи, кој е новиот избраник на Адел?
Рич Пол е реномиран американски спортски агент. Еден од најистакнатите личности во светот на спортот, а како агент ги претставуваше некои од најголемите НБА sвезди. Во 2012 година, тој основа своја спортска агенција, Klutch Sports Group, и внесе големи кошаркарски имиња како Бен Симонс и Леброн Џејмс.
Во профилот создаден од списанието New Yorker, Пол е опишан како „апсолутно немилосрден во добивањето на играчот што го сака и користејќи ги сите средства за да се оствари тоа.“ Тој го запозна својот прв и најголем клиент, Леброн Џејмс, во 2002 година, додека двајцата чекале на терминалот за авионскиот лет. Рич го импресионираше и почна тесно да соработува со Џејмс откако беше драфтуван во NBAлигата. Многу реномирани списанија го оценија како еден од највлијателните луѓе во светот.
39-годишникот моментално живее во Беверли Хилс и по потекло е од Кливленд.
Колку долго се во врска Рич Пол и Адел?
Двојката е видена само еднаш во јавноста, во јули 2021 година на паркетот на NBA кошаркарското финале, што било доволно за да започнат гласините за нивната врска. Набргу потоа, порталот Page Six објави дека парот „дефинитивно се забавувал“ и дека врската траела „неколку месеци“.
Сепак, моравме да чекаме на објавата на Адел на Инстаграм за официјална потврда.
Патем, во март оваа година, Адел го финализирала разводот од Симон Конечки.
Рич Пол има 49 клиенти, а се проценува дека во 2021 година ќе оствари заработка од 100 милиони долари.
