Раперот Машин Ган Кели и ММА борецот Конор Мекгрегор за малку физички ќе се пресметале на MTV Video Music Awards…
MTV Video Music наградите се одржале синоќа во Њујорк, поточно Бруклин. Доделувањата одамна не биле толку занимливо, а како да не биде кога целата музичка и шоубизнис индустрија е собрана на едно место.
Во преден план повторно бил стајлингот на познатите дами, а за најдобрите и најлошите облечени се коментирало цело време. Во еден момент, дивата Џенифер Лопез се појави на сцената во минијатурна комбинација од топ и мини здолниште од тантела што повеќе откривала отколку што криела, но најголемо внимание сепак го украла актерката Меган Фокс која дојде – гола. Иако имала долг фустан, тоа било потполно проѕирно, па една од најсексапилните актерки нè почести со прекрасен поглед на нејзиното мускулесто тело. Друштво на оваа церемонија е нејзиното момче, музичарот Машин Ган Кели во црвен, светкав костум, а тој, исто така, беше еден вид sвезда на вечерта.
Имено, раперот се судри со најплатениот спортист на денешницата и најголемата ММА sвезда, Конор Мекгрегор. Во еден момент на црвениот тепих се нафрлиле еден на друг, а присутните морале да ги разделат. Секако, папараците сето тоа го снимиле на нивните камери.
Очевидци тврдат дека Мекгрегор побарал од раперот заедничка фотосесија, што тој ја одбил, а потоа го турнал Ирецот и му го истурил пијалокот. Мекгрегор потоа фрли пијалок кон Кели, што на почетокот предизвика вербален судир, и доколку присутните не ги разделиле, раперот немаше добро да помине. Но, подоцна во интервјуто, борецот тврдеше дека апсолутно ништо не се случило.
„Се борам само со вистински борци, луѓе кои знаат да се борат. Сигурно не се борам со мали, бели рапери. Јас дури и не го познавам тој човек, не знам ништо за него, освен дека е во врска со Меган Фокс“, изјави Мекгрегор.
Фотографиите од скандалот погледнете ги во нашата галерија.
