На отворањето на 78-от Филмски фестивал во Венеција, Адријана Лима се појави во придружба на ново момче, за да присуствува на премиерата на филмот на Алмодовар „Madres paralelas“. Додека сите се прашуваа која е мистериозната љубов на волшебната Бразилка, таа самоуверено прошета по црвениот тепих држејќи го за рака. Сепак, ова не и било доволно, и на крајот страсно го бакна пред сите присутни камери, оставајќи ја јавноста целосно фасцинирана, колку од нејзината тоалета, толку и до нејзиниот романтичен гест.
За оваа пригода, манекенката избра црвена тоалета со шљокици, од модната марка Етро. Горниот дел од фустанот во форма на исечен врвен корсет прекрасно ги истакна градите и рамената, додека длабокиот шлиц на фустанот ги откри нејзините извајани нозе.
Од модните детали, комбинирала златни обетки и нараквица, а својата природно брановидната коса е стилизирана целосно на едната страна. Таа го заокружи изгледот со гламурозна шминка.
Нејзиниот партнер, Андре Лемерс, филмски продуцент од Калифорнија, и се придружи во црн смокинг и бела кошула, која ја поврза со црни кадифени мокасини.
