Кое чоколадо е поздраво – бело или црно, е едно од најчестите дилеми помеѓу љубителите наслаткиот вкус. Затоа пред вас ги соочуваме фактите, но сепак крајната одлука ви ја препуштаме токму вам.
Нутритивна разлика помеѓу темно и бело чоколадо
Што содржи црното чоколадо?
Темно чоколадо е направено од какао, кое е главната состојка. Колку е поголем процентот на какао во чоколадата, толку е поквалитетно и подобро за нашето здравје.
Причината за тоа е високата содржина на антиоксиданси, претежно флавоноиди, кои се важни за здравјето.
Темно чоколадо содржи два важни минерали: магнезиум и бакар. Го зголемува нивото на добар (HDL) холестерол, го подобрува расположението и содржи железо, со што може да помогне при блага анемија.
Црното се смета за секое чоколадо што содржи над 50% делови од какао. Темно чоколадо содржи 520 калории на 100 гр.
Кој е составот на белото чоколадо?
Белата чоколада е најлош избор на чоколадо. Содржи 540 калории на 100 g, што е слично на темното чоколадо. Сепак, главните состојки на белото чоколадо се шеќерот и маснотиите, кои сочинуваат повеќе од 50% од чоколадото, што има лош ефект врз холестеролот, триглицеридите и крвните садови. Белото чоколадо има поголем процент на заситени масти отколку темното чоколадо.
Заклучок: Значи, да видиме – кое чоколадо е подобро за вашето здрвје ?
Најдобар избор на чоколадо е чоколадото со над 70% делови од какао. Наша препорака е да се избегнува бело чоколадо.
