Таа е една од најубавите актерки на нашето време, а основата на нејзиниот завиден изглед се правилата од кои не отстапува со години.
Колку и да мислите дека сме над ситуацијата, неоптоварени со туѓ живот и изглед, ќе признаете дека барем дел од вашиот мозок се прашува дали e до генетика или нешто таинствено во начинот на негата. А како изгледа таа нега, односно дали овие скапи производи навистина имаат магичен ефект.
Анџелина Џоли е една од природните убавини со прекрасен тен, која е комбинација од генетика, но и нега на кожата на лицето. Свесна дека многу фактори влијаат на кожата, од исхраната, надворешните фактори, спиењето… нејзиниот пристап кон убавината е холистички, а грижата за изгледот не е ограничена само на примена на козметика.
Откриваме некои од постулатите што 46-годишната актерка ги практикува:
1. Започнете млади со грижа
Грижата за кожата е многу важна и од рана возраст потребно е да се грижите за себе и да бидете редовни во неа, како и да се грижите за тоа што јадете и што ставате на вашата кожа. Кога ќе го прифатите тоа, вие сте на вистинскиот пат, а Анџелина почна да се негува како тинејџерка.
2. Минимална шминка
Шминката е составен дел од работата на Анџелина, но кога не работи, никогаш не се шминка. А кога ќе се нашминкате, задолжително отстранете ја пред спиење. Секогаш се грижи за веѓите бидејќи смета дека тие го омекнуваат изгледот на лицето и сами по себе се украс.
3. Балансирајте ја бојата на усните и очите
Анџелина избегнува темни бои на кармин за да го подобри или потенцира природниот сјај на нејзините очи. Значи, ако ги обоите усните со темни кармини, шминката на вашите очи нека биде дискретна, а доколку се одлучите за чадени очи (smokey eyes), користете кармин во природна боја.
4. Никогаш не прескокнувајте нега
Бидејќи многу патува, Анџелина внимава никогаш да не ја прескокне својата рутина за нега на кожа, а нејзините основни производи секогаш ги носи со себе. Користи производи со антиоксиданси и алфа-хидроксили, како и антиоксидантни креми за сончање без хемикалии. Се разбира, кремата со заштитен фактор е примарна уште од нејзината младост, а сега особено затоа што сака, меѓу другото, да избегне проблеми со пигментацијата.
5. Животот е краток, нека биде максимално исполнет
Постојат бројни ангажмани што актерката среќно ги презема и вешто балансира помеѓу родителството, приватните проблеми од една страна и глумата, режијата, хуманитарната работа, од друга страна. „Запомнете, животот е краток, искористете го максимално за сѐ што ќе посакате. Дајте сѐ од себе. Слушајте го своето срце“.
6. Убавите манири и сочувство се секогаш во мода
Шесте деца што Анџелина ги има со Бред Пит, и покрај нивните материјални можности, патувања, искуства, приватни наставници, се сосема пристојни, љубезни и нормални деца. „Без оглед на вашето потекло или приход, не ги расипувајте вашите деца. Научете ги што е тоа емпатија, дајте им искуства наместо материјални работи и покажете им дека убавите манири се секогаш во мода, без разлика колку сте богати“.
7. Грижете се за вашето здравје, бидејќи без него немате ништо
Мајката на Анџелина починала од рак на јајниците кога имала само 56 години. Откако открила дека е носител на генот за рак BRCA1, актерката направи двојна мастектомија како мерка на претпазливост и нејзините јајници беа отстранети. Исто така, минатата година била дијагностицирана со Белова парализа, успешно лекувана, но тоа е потсетник дека сите ние мора да забавиме и да се грижиме за себе. „Можете да работите и да имате толку многу пари во банка што не можете да ги изброите, но ако немате здравје, немате ништо. Запомнете, вашето тело ќе ве предупреди ако го игнорирате здравјето долго време, и понекогаш може да биде предоцна“.
