Електричниот Opel Rocks-E е всушност „препакуван“ Citroen Ami, што не треба да изненадува, бидејќи и двата бренда се во сопственост на Stellantis.
Се напојува со единица од 8 КС, додека пак батеријата (5,5 kWh) овозможува домет до 75 километри.
Максималната брзина на ова патничко возило на четири тркала е 45 км/ч, а тинејџерите во Европа (15 години и постари) можат да го возат легално.
Три верзии
Неговите мали димензии (2,41 метри) и тежина од 425 килограми го прават идеален за градско возење.
Opel ќе го лансира Rocks-E оваа есен во Германија, како и на други пазари во текот на 2022 година.
Цената не е објавена, но знаеме дека Citroen Ami чини околу 6.000 евра. Компанијата ќе понуди три верзии – основна, Club и TeKno.
