Колку сме постари, толку се поголеми шансите да се здебелиме…
Дебелината е најголемата болка на модерното време, и не е лесно да се борите против вишокот килограми.
Природата е делумно виновна за акумулацијата на маснотии на стомакот.
Поради тоа, на пример, се почесто се случува луѓето кои отсекогаш биле слаби, одеднаш да се здебелат кога ќе влезат во средна возраст.
Според најновите истражувања, на средовечните луѓе навистина им е потешко да ги отстранат наслагите околу стомакот, и за мажите и за жените.
Д-р Нерав Падлија, експерт за слабеење, тврди дека и тогаш е полесно да се управува со тежината отколку што мислиме. Треба само да разбереме што доведува до зголемување на телесната тежина и да се прилагодиме на тоа.
Хормоните диктираат сè
На возраст од 30 години, нивото на хормоните во телото опаѓа. Ова е причината зошто метаболизмот почнува да работи побавно, и колку побавно функционира, толку повеќе луѓето добиваат на тежина. Имено, тогаш помалку енергија се согорува и повеќе маснотии се „складираат“ во телото.
Истражувачите откриле дека кај просечен маж и жена, ова предизвикува дополнителни 450 до 900 грама секоја година, на возраст од 35 до 55 години.
Положбата кај мажите
Високото ниво на тестостерон е одговорно за одржување на слабиот и мускулест изглед кога се помлади. Ова се случува затоа што овој машки хормон го врзува масното ткиво и го исфрла од телото и не се акумулира околу половината.
Исто така, помага во изградбата на мускулите, го забрзува метаболизмот и го намалува ризикот од дијабетес, бидејќи ја одржува чувствителноста на инсулин.
– Но, по 30 -годишна возраст, нивото на тестостерон природно почнува да се намалува за приближно еден процент годишно – објаснува Падлија.
Ова, пак, го поттикнува телото да акумулира маснотии, особено во стомакот, што не е само естетски, туку и здравствен проблем, бидејќи го зголемува ризикот од срцеви заболувања и дијабетес.
Положбата кај жените
Женското тело има деликатна рамнотежа на прогестерон и естроген за време на плодниот период од животот. Познато е дека повисоките нивоа на естроген го зголемуваат формирањето на масното ткиво. Кај помладите жени, нивото на двата хормона е исто. Но, од 35 -годишна возраст, количината на двата хормона се намалува, што на крајот доведува до менопауза.
– Меѓутоа, нивото на прогестерон се намалува побрзо, што доведува до формирање на масни наслаги околу половината – додава Падлија.
Што друго се случува со двата пола?
Намаленото ниво на хормони доведува до намалување на мускулната маса и кај мажите и кај жените. И, бидејќи мускулното ткиво е еден од главните потрошувачи на гликоза во телото, постои потешка загуба на вишок калории, што предизвикува акумулација на депозити на стомакот.
При намалување на мускулната маса, телото не ги обработува јаглехидратите ефикасно, затоа треба да се внимава да не се јаде премногу.
