Мараја Кери влезе во светот на брендирани алкохолни пијалоци, лансирајќи нова линија крем ликери…
Пејачката, со неколку Греми награди, објави дека нејзината нова „Black Irish“ компанија е отворена и дека нуди три вкусови што можат да се купат. Според локалните медиуми, алкохолниот пијалок бил официјално пуштен во продажба минатиот понеделник, и содржи 17 проценти алкохол.
Black Irish моментално е достапен во три вкусови – original, бело чоколадо и солена карамела. Компанијата го опишува производот како „направен и произведен во Ирска, во сертифициран, одржлив објект со 50% обновлива енергија“, додавајќи дека нивниот пијалок „слави исклучителен квалитет со мешавина од зрело ирско виски и супериорни млечни производи од ирски фарми“.
Познатата пејачка ја сподели оваа вест на социјалните мрежи, со фотографија на која таа носи блескав златен фустан на плажа и шише Black Irish. Како што вели, името на нејзиниот бренд е „разигран омаж кон нејзиното црнечко и ирско потекло“. Секој вкус доаѓа во пакување од 750 или 50 мл, додека капачињата од шишињата се стилизирани со нејзини иницијали и визуелни пеперутки.
„Работам на овој проект речиси две години и многу ми е драго што конечно можам да го споделам со вас. Сакав да создадам нешто што ќе биде олицетворение на сезоната на празници и да ни даде причина да славиме секој ден“, вели Мараја.
