Темпехот има многу протеини, добри масти и растителни влакна и не содржи премногу калории, поради што е омилен во веганската кујна…
Во веганската и вегетаријанската кујна, темпехот е еден од омилените јадења. Овој ферментиран производ од варена соја има многу протеини, добри масти и влакна а не содржи премногу калории. Разновидниот темпех е одличен во сосови, чорби, како и додаток на тестенини или сендвичи.
Ако не ви се допаѓа горчливата нота на темпехот, накратко згответе ја на пареа, и ако малку вложите труд околу маринадата, лесно се претвора во сензационален вкус. Ако ви се допаѓа азиската кујна, пробајте темпех во комбинација со соја сос и миризливи зачини.
Состојки за теријаки темпех:
1 пакетче темпех
1 лажица маслиново масло
Маринада:
3 лажици супа од зеленчук
1 лажица соја сос
½ лажички лук во прав
¼ лажички кромид во прав
Теријаки сос:
4 лажици соја сос
1 лажичка сусам или маслиново масло
1 лажица мед
1 лажичка срирача или лут сос по ваш избор
1 лажичка оризово вино или јаболков оцет
½ лажички лук во прав
½ лажички скробно брашно
Декорација:
сусам
млад кромид
Подготовка:
1. Исечете го темпехот и варете го на пареа 10 минути. Правите мешавина од сите состојки на маринадата и добро со дрвена лажица ја мешате смесата неколку минути.
2. Ставете го темпехот во сад и прелијте со маринадата. Маринирајте најмалку 20 минути.
3. Истурете го маслото во тавата и кога ќе се загрее пржете го темпехот 3-5 минути од секоја страна додека не стане крцкав.
4. Измешајте ги состојките за сосот во голема чинија, а потоа додадете темпех. Потоа извадете го темпехот од сосот и вратете го во тавата и пржете околу 30 секунди од секоја страна за да се карамелизира. Исклучете го огнот и истурете го преостанатиот сос. Оставете околу една минута за сосот малку да се згусне. Послужете и посипете со сусам и сечкан млад кромид.
