LIV Sotheby’s International Realty објавува затворање на договорот за недвижен имот на холивудската sвезда – ранчот на Том Круз во Телурид е продаден за 39,5 милиони долари.
Том Круз стана широко познат во 1983 година по објавувањето на филмот „Risky Business“. Речиси 40 години подоцна, тој сè уште е еден од најуспешните и најбогатите актери во светот. Том го заврши својот ранч во Телурид во 1994 година, а во 2005 година даде сензационално интервју со Опра Винфри во неговата дневна соба, а неколку недели по интервјуто и таа купила куќа во негова близина.
Актерот живеел тука со актерката Кејти Холмс и помина време со својата ќерка, возејќи импровизирана патека за мотокрос или играјќи голф.
Главната куќа, направена од кедар и камен, се спојува со околниот пејзаж. Во внатрешноста, целото внимание го привлекува погледот кон планините, кој се протега низ гломазните прозорци. Дрвени греди на таванот во комбинација со камин создаваат пријатна атмосфера на алпска планинска колиба. Покрај четири спални соби, куќата има трпезарија, дневна соба, теретана, соба за релаксација и библиотека. Пансионот со три спални соби е во далечина и скриен зад дрвјата.
На површина од 129 хектари има терени за кошарка и хокеј, тениско игралиште, приватен систем на патеки за планинарење, како и патеки за пешачење, патеки за возење и мотокрос.
