Кралиците на уличниот стил ни покажуваат што навистина значи „модерно произведено во Италија“.
Италијанките се смели, неограничени, храбри и тоа се одразува на нивниот моден стил. Не ги интересираат правилата, бидејќи имаат свои, па во ерата на деколтирани фустани и горна „топ“ облека, тие ќе бидат закопчани до грло.
Жените од овој регион се водат според слоганот „when in doubt, overdress“, бидејќи за нив, повеќе е секогаш повеќе. Ви ги откриваме клучните стилски моменти кои ги водат италијанските кралици на уличниот стил.
Ова се правила што се усвојуваат и се обожуваат!
Не ги сфаќаат фустаните толку сериозно
За нив нема непријатен фустан, само погрешно стилизиран. Џорџа Тордини совршено покажува како едно елегантно кимоно-фустан може да се комбинира со црн топ и фармерки, додека Џилда Амбросио одговара на кадифено макси фустанче со преголем дуксер.
Oбожуваат предимензионирани прстени
Додека половина од светот е опседнат со XL обетки, Италијанките претпочитаат прстени. Колку е поголемо, толку подобро, и ако има простор на едниот прст, тие додаваат уште неколку парчиња на истиот. Имаат луксузен накит и не се плашат да го употребат во секаква прилика.
Дуксер во сосема поинаков контекст
Тие рекоа „да“ за дуксерите, но „не“ за спортскиот стил, така што гореспоменатата италијанка Џилда која сјајно се вклопува со фустанот, ќе го романтизира ова парче облека. Често ќе ги гледате како стилизираат дуксер со мини здолниште, нежни фустани и високи потпетици.
Не се плашат да облечат бело од глава до пети
Но, не на крут начин. Тие често ќе го оптимизираат овој стајлинг и ќе го прилагодат сами на себе, па ќе земат тексас јакна или долг ѓердан изработен од црвени бисери со елегантен бел фустан.
Практикуваат монохроматски стил
Нивниот избор секогаш ќе падне на софистицирани монохроматски изгледи во форма на фустан или тотален изглед. Но, никогаш нема да инсистираат секој дел од стајлингот да биде апсолутно ист тон со одредена боја.
Ретко ќе ги видите во патики
Италијанките се прво и основно дами. Според тоа, кога станува збор за обувки, тие секогаш ќе се одлучат за поелегантен пар. Дури и кога избираат патики, секогаш е во склад со облеката што ја носат, па ако се работи за цветен фустан, нивните патики ќе го следат овој деликатен дезен.
Никаде без очила за сонце
Ова е додаток без кој Италијанките едноставно не ги напуштаат своите домови. Очилата за сонце станале составен дел на секој нивни стајлинг, како и самиот карактер.
