Работата од дома може да биде стресна, дури и ако живеете чекор подалеку од плажата и морето….
Можеби тоа е причината што сопствениците на овој стан во Мајами, кој е достапен за купување по цена од 16,25 милиони долари, инсталирале домашна канцеларија во стаклен вински подрум. После еден ден работа во оваа канцеларија, никогаш повеќе нема да сакате да работите во обична!
Дуплекс апартманот ги зафаќа првиот и вториот кат на Ocean House, бела, ниска и класична зграда во Мајами, која е изградена во 2009 година и се наоѓа помеѓу рафинираните ресторани на Ocean Drive и белиот песок на South Beach.
Во внатрешноста, станот зрачи со светло и просторно чувство, со централна дневна соба со двојна висина што води кон терасата на првиот кат и заеднички базен, кој е одделен од плажата само со еден ред зеленило. Просторот за живеење е опкружен со стаклени sидови од едната страна, додека до другиот кат се стигнува со помош на стаклено скалило.
Од едната страна е отворен агол за појадок, додека од друга е гореспоменатата домашна канцеларија, сместена во средина на овална, стаклена визба за вино. Друга стаклена просторија, овој пат во правоаголна форма, создадена во форма на кујна се наоѓа на вториот кат.
Покрај тоа, овој стан содржи четири спални соби, четири купатила, домашно кино, трпезарија што се отвора према терасата на вториот кат, куќа-бар, големи вградени гардеробери и многу повеќе.
Кога станува збор за поволностите што ги нуди самата зграда, покрај базенот, тука се и лежалките за сонце и приватните ложи, како и соба со билјард и бар, кујна на отворено, кино, приватен салон за убавина, деловен центар, теретана и сауна. Што друго ви треба за удобен живот, но и работа?
