Сè што сјае не е храна, но судејќи според сè, за некои папагали не вреди да се зборува…
Птицата по име Фрости одлично се забавувала кога тргнала на поход по кутијата за накит од својот сопственик, откинувајќи скапоцени камења од прекрасен ѓердан обложен со дијаманти. Дијамантите се секако привлечни – и ние како човечки вид тешко можеме да им одолееме на нив, но дефинитивно не сме склони да го консумираме она што го сметаме за најтврд материјал на планетата. За жал, на ова мало, осуммесечно милениче од Банкок не му било укажано да не го стори тоа, па се здоби со национална и меѓународна популарност, откако изел дури 21 дијамант!
Малите дијаманти со тежина од 0,2 карати биле дел од ѓерданот на неговиот сопственик, а Фрости со неверојатен апетит ги „смачкал“ за појадок. Околу пладне, осуммесечниот папагал го изгубил апетитот, па од силни болки морал да оди во болница. Од Animal Space болницата решиле да направат рентген снимка на папагалот, а за неколку минути тие биле изненадени кога му откриле дијаманти во стомакот. Потоа, папагалот отишол на итна операција, која траела повеќе од еден час.
Д-р Кунтита Павенасакорн од болницата вели: „Овој вид птици ги привлекува на работи што сјајат. Оваа ситуација е всушност доста честа, но овој случај е интересен и чуден, бидејќи папагалот изел голема количина скапоцени дијаманти. Тие се остри и со тоа му нанеле болка во стомакот и можеле да му нанесат повреди на неговите внатрешни органи, ако сопственикот не реагирал веднаш “.
За среќа, Фрости се чувствува добро и наскоро ќе биде надвор од болницата, а сопственикот се обедини со своите дијаманти.
