Не е тајна дека УФЦ-борецот Конор Мекгрегор е богат – всушност, тој редовно ни ја покажува својата колекција на скапи автомобили, луксузните дестинации што ги посетува и декадентните часовници што ги носи…
Во пандемискиот свет, со само една борба оваа година, како славниот Ирец успеа да стигне до првото место на Форбс листата на најплатени спортисти во претходните дванаесет месеци? Па, одговорот лежи далеку од октагонот и се крие во неговиот критички непопуларен бренд на виски.
Заборавете на сите способности на Мекгрегор како ММА борец – неговиот деловен снаод и користење статус на sвезда го наведоа на заработка од повеќе милиони долари во текот на изминатата година. Всушност, според Форбс, Мекгрегор заработил „само“ 22 милиони долари од борбите и 158 милиони долари од сè друго. Секако, тоа е потфат со кој се гордее Ирецот, кој исто така го објави на својот Инстаграм профил.
Откриваме како ја претвори својата слава во бизнис вреден неколку милиони долари:
Пијалок
Според Форбс, голем дел од неговиот профит од 180 милиони долари доаѓа од продажба на мнозинска сопственост на брендот виски Proper No.Twelwe, што ја купи Proximo Spirits. Според ESPN, на крајот на април, Мекгрегор и ко-основачите, Кен Остин и Одди Атар, го продадоа својот удел на американската компанија, по цена од 600 милиони долари. Конечната сума ставила 150 милиони долари во џебот на секој од нив.
Shanken News Daily, извор на вести кога станува збор за алкохолни пијалоци, првпат напиша за овој деловен потфат на 27 април, наведувајќи дека извршниот директор на Proximo, Мајк Кис, додаде дека сосопствениците ќе продолжат да играат активни улоги во иднина на брендот. Според Кејес, брендот виски се развил и растел со неверојатна брзина, што само ќе се подобри со оваа промена на сопственикот.
Договори за рекламирање
Неозлогласениот не само што се оддалечи со 180 милиони долари во изминатите дванаесет месеци, но според Форбс, тој е само третиот спортист, по Роџер Федерер и Тајгер Вудс, кој заработил повеќе од 70 милиони долари надвор од својот спорт и парарелно да се натпреварува во текот на една година.
Според TalkSport, Мекгрегор има потпишано голем број нови договори за рекламирање, како што се Draftkings, видео играта Dystopia: Contest of Heroes и lifestyle брендот Roots of Fight.
Борби
Иако годинава беше само еднаш во октагонот, а во исто време излезе како губитник, Мекгрегор на тој начин заработи 22 милиони долари. Мекгрегор беше нокаутиран од Дастин Поарие во јануари оваа година, но ситуацијата била обратна пред пет години. Со цел да се реши изедначеноста, борците повторно ќе се сретнат на 10 јули оваа година.
Мекгрегор е сè уште неверојатно популарен во светот на УФЦ, а главниот тренер на Поарие, Мајк Браун, изјави дека „Конор е најголемиот магнет во овој спорт, поради што ќе донесе многу повеќе пари од која било друга борба“.
