Stella McCartney ни претставува фантазија во нејзината есенска кампања, наречена Our Time Has Come…
Британската модна дизајнерка го ангажирала почитуваното фотографско дуо, Mert & Marcus, за да фотографираат животни кои го истражуваат Лондон. Облечени во најдобрите парчиња од есенската колекција со потпис на славниот дизајнер, мечки, птици, кучиња и кенгури тргнаа во авантура низ улиците на британската престолнина.
Кампањата ја шири и пораката на Humane Society International, која повикува на забрана за трговија со крзно на глобално ниво. Од јакни со перја, до широки панталони, сите модели чиј дизајн и креација ги потпишува Stela се „cruelty-free“.
Вегански чанти, како моделите Falabella и Frayme, се украсени со ланци и доаѓаат во предимензионирани стилови. Покрај фотографиите, дел од целата приказна е и краток документарен филм со комичарот Давид Валијамски во улога на наратор.
„И, иако оваа кампања е смешна, сакам да решам сериозен проблем – забрана за употреба на крзно. Без разлика дали се продава во Европа или во светот, употребата на крзно е варварска практика која не познава граници. Мојата животна мисија е да ја разбудам совеста во модната индустрија. Горда сум што соработувам со Humane Society International, со цел подигање на свеста. Ве поканувам и вие да ни се придружите“, изјави славната модна креаторка.
