Милјардерот, најбогатиот човек на светот и основач на Амазон, сподели возбудливо видео на својот Инстаграм профил, објавувајќи ја веста дека наскоро ќе започне вселенска авантура на првиот лет со екипажот во неговиот ракетен брод Blue Origin New Shepard. Со закажаниот датум на заминување од Тексас, за кој е избран 20 јули, Безос, во друштво на неговиот брат Марк и идниот победник на аукцијата, како трет патник, ќе започнат со нови освојувања. Како што дознаваме, највисоката понуда за цивилна вселенска карта била 2,8 милиони долари кога Безос ги објавил сите свои планови, сепак таа скокнала на 3,2 милиони долари, по објавувањето на видеото.
„Ова лето сакам да бидам дел од овој вселенски екипаж, бидејќи тоа е нешто што го сакав цел живот“, додаде тој во видеото. Дваесеттиот јули е исто така педесет и втора годишнина од слетувањето на Аполо 11 на Месечината, што ја прави целата приказна уште попосебна. Милјардерот исто така ќе ја напушти лидерската позиција во Амазон само две недели пред летот.
Патем, компанијата Blue Origin е основана од Безос во 2000 година, а најголемиот дел од финансирањето на технологијата, развојот и работењето доаѓа од нејзиниот приватен фонд. Компанијата тестира летови без екипаж од 2012 година и успешно изведе повеќе од десет. Како што дознаваме, ракетата што ќе ги превезува Безос и неговиот брат нема да оди во далечниот простор, туку ќе се искачи на суборбиталната точка, на надморска височина од 106.680 километри. Летот ќе трае 11 минути, додека патниците во ракетата ќе поминат неколку минути во услови на нула гравитација и уживаат во неверојатниот поглед на нашата планета, пред да се вратат на цврстото земјино тло.
Ако сè се одвива според планот, Безос ќе ги победи Илон Маск и Ричард Бренсон и ќе понесе титулата прв милијардер што одлетал во вселената со сопствено вселенско летало.
