Добри вести за љубителите на музичките фестивали и концерти на отворено: ќе се одржи легендарниот фестивал Coachella! Навистина, само во 2022 година.
Две години по ред мораше да биде откажуван поради корона вирус пандемијата, но сега организаторите се оптимисти – па дури и веќе испланирале одредени датуми. Во објавата на официјалниот Инстаграм профил на фестивалот се вели дека тој ќе се одржи од 15 до 17 април и од 22 до 24 април 2022 година. Предвремената продажба на билетите за настанот ќе започне овој петок, 4 јуни.
Coachella е музички фестивал, домаќин на продуцентската куќа Goldenvoice од Калифорнија. Првпат се одржа во 1999 година. На фестивалот исто така се одржуваат и ликовни изложби. Со текот на годините, многу познати музички sвезди настапувале на овој евент како Bjork, Radiohead, Lady Gaga и Beyonce. Сè уште не е познато кои sвезди ќе настапат на фестивалот.
