Да беше жив, Феручо Ламборгини ќе го прославеше својот 105-ти роденден.
Феручо Ламборгини е роден во 1916 година. Потекнува од фармерско семејство, но со текот на времето се испоставило дека бил многу повеќе заинтересиран за машини отколку за обработка на земјата.
Во текот на Втората светска војна, бил многу познат и искусен механичар. Стациониран на грчкиот остров Родос каде ги одржувал сите воени возила.
По војната, тој отворил механичарска работилница на истиот остров, за да во 1946 година се врати во Италија, каде бил привлечен од државните субвенции за развој на повоената економија.
Отворил работилница во Cento, каде одржувал возила и правел мали земјоделски машини. Дошол на идеја да направи ефтин трактор за земјоделци со мали фарми.
Камионот Морис служел како основа за првиот трактор, а во 1948 година за време на локалниот саем продаде 11 единици.
Овој успех го натера да инвестира сè што има, вклучително и семејната фарма, со цел да добие заем за производство на поголеми трактори.
Неколку децении подоцна, пристигнуваат автомобили. Логото е создадено во 1963 година кога Феручо го замолил Паоло Рамбалди да дизајнира заштитниот знак.
Единствениот предлог бил дека тој сака да стави до знаење дека возилото е силно како бик. Така е создаден славниот амблем на Ламборгини, врз кој влијаело неговиот хороскопски знак. Претпоставувате – бик.
Феручо Ламборгини е практично основач на категоријата што денес ја нарекуваме суперавтомобили.
Деби на оваа класа е автомобилот Lamborghini Miura од 1966 година.
Феручо, исто така, учествувал во развојот на моделот Countach, кој се појави во форма на прототип во 1971 година.
Се произведувал се до 1990 година, кога беше заменет со Diablo.
За жал, Феручо не бил во можност да биде сведок на современиот развој на компанијата што ја основа, откако почина во 1993 година.
