Секој пијалак има различен ефект врз организмот, па додека еден пијалак може да има смирувачки ефект, друг ја подобрува циркулацијата на крвта и сл. Овој водич за најдобрите пијалаци за секоја ситуација е создаден од нутриционистот Никол Мекдермот.
Млеко за градење мускули
Млекото е одличен пијалак по тренингот бидејќи протеините што ги содржи го стимулираат растот и зајакнувањето на мускулите. Најдобро е да се избере свежо и полномасно млеко, а пиењето сурутка го има истиот ефект.
Зелен чај и сок од грејпфрут за слабеење
Овие два пијалаци имаат одличен ефект врз забрзувањето на метаболизмот, а исто така ќе го забрзаат отстранувањето на токсините од телото. Најдобро е да пиете сок од грејпфрут или чаша зелен чај наутро, пред појадокот.
Какао за закрепнување
По голем физички напор, болест или чувство на исцрпеност, добро е да пиете какао или чоколадно млеко. Овој пијалак е одличен поради поволниот однос на јаглехидрати и протеини, кои му даваат енергија на организмот.
Пиво за подобра циркулација
Кога ви е ладно и чувствувате болка во нозете во зимските месеци, добро е да пиете 250 мл пиво на ден. Овој пијалак помага да се опуштат ѕидовите на крвните садови и го забрзува протокот на крв, но важно е да не претерувате.
Сок од вишни пред трчање
Долгото трчање предизвикува замор на мускулите и недостаток на електролити. Оние кои тренираат интензивно најчесто избираат спортски енергетски пијалоци, но домашниот сок од вишни ќе го има истиот ефект, а ќе го забрза и закрепнувањето на мускулите по тренингот.
Чај од ѓумбир за желудникот
Џумбирот е одличен лек за смирување на гадењето, а бидејќи нема негативно влијание врз организмот, им се препорачува и на бремените жени. Има добро дејство врз мукозната мембрана на желудникот и на цревата и затоа се препорачува да се пие по стомачен вирус.
Чај од куркума за воспаление на грлото
Кога имате воспалено грло, важно е да пиете поголеми количини течности, бидејќи сувото грло ја влошува болката. Чајот од куркума е одличен народен лек бидејќи создава заштита на мукозните мембрани и го намалува чувството на гребење и печење.
Кокосово млеко за рани во устата
Ако имате херпес, изгореници или рани во устата, кокосовото млеко ќе ви биде од голема помош. Овој корисен пијалак дејствува како аналгетик и сојузник во борбата против габичните инфекции.
Пијалаци со алое вера за подобро варење
Алое верата е одлично решение за проблемите со запек, бидејќи ги стимулира цревата да работат и има лаксативно дејство. Можете да измешате алое вера во прав со обична вода, а најдобро е да го пиете овој пијалак на собна температура.
Јогурт за имунитет
Овој пијалок е исклучително здрав и одличен сојузник на имунитетот. Ги уништува габите и ги намалува воспалителните процеси и појавата на инфекции.
Камилица за спиење
Чајот од камилица е народен, но и докажан лек за полесно заспивање. Важно е да не го засладувате чајот бидејќи шеќерот ќе има спротивен ефект и ќе го разбуди организмот.
Лимонада за повеќе енергија
Витаминот Ц во лимонот е природен додаток за зголемување на нивото на енергија во организмот и се препорачува да го пиете веднаш по цедењето. Иако се препорачува за време на настинка, експертите истакнуваат дека е доцна и дека треба да го пиете лимонот порано за да го зајакнете имунитетот.
Смуди со банана за мамурлак
Пиењето алкохол предизвикува дехидратација и губење на витамини и минерали. Со цел да се воспостави рамнотежа во организмот, добро е да пиете вода, но уште подобро е да направите смуди со банана, богато со витамин Б и калиум.
Вода за лош здив
Најчест виновник за непријатниот здив е дехидрираноста, што го стимулира растот на бактериите во устата. Другите пијалаци може да ја влошат ситуацијата со нарушување на природната pH-вредност во устата.
Вода со сода бикарбона за подуеност
Ако имате болки во стомакот, подуеност и гасови, првата помош доаѓа во форма на сода бикарбона. Измешајте 1/4 лажичка сода бикарбона во 200 мл вода.
Сок од кисели краставички за грчеви во мускулите
Иако не е многу вкусен пијалак, течноста од киселите краставички помага да се намалат болните грчеви во нозете. Помага да се излачува вода од телото и ја чисти крвта од киселини.
