Принцот Хари пристигна во Лондон без Меган Маркл.
Како што дознаваме, Хари отпатувал во Англија два дена по смртта на неговиот дедо, принцот Филип, за да присуствува на неговиот погреб.
Војводата од Сасекс пристигна на аеродромот на „British Airways“, додека Меган Маркл остана во Лос Анџелес поради напредната бременост.
Принцот се врати дома по скоро една година отсуство и ова е прв пат да се сретне со членови на кралското семејство по интервјуто што тој и неговата сопруга и го дадоа на Опра Винфри.
Бакингемската палата соопшти дека војводата од Сасекс ќе присуствува на погребот во сабота на 17 април во капелата Сент Џорџ во замокот Виндзор.
За разлика од неговиот брат, Хари нема да носи униформа, туку костум, бидејќи по неговото повлекување од кралските должности беа отстранети почесните воени титули и тој веќе ја нема улогата на генерален капетан на кралските маринци.
