Уметничко дело вредно половина милион долари било оштетено во Јужна Кореја, поради еден неверојатен инцидент…
Според наводите, еден пар кој го посетил изложбениот простор каде што се наоѓа уметничкото дело, сметал дека им е дозволено да нанесат неколку потези со четка на скапоценото платно, со цел да учествуваат во неговото создавање.
Уметничкото дело за кое зборуваме е со димензии 7м x 2,3м и е создадено како дело на американскиот графити уметник JonOne во 2016 година, во живо пред публика во трговскиот центар Lotte World Mall во Сеул. Пред уметничкото дело беа поставени четки и конзерви за боја, за да им се даде малку повеќе контекст на гледачите, а според персоналот на изложбата, маж и жена на дваесетина години земале четки и малку боја и решиле да станат дел од уметноста. Нивната работа е снимена од камерите за видео надзор, кои биле прегледани од полицијата пред двојката да биде обвинета за вандализам.
Некое време подоцна, и мажот и жената биле ослободени, бидејќи нивната работа била праведна грешка, како што објасни директорот на изложбата, Канг Вук: „Мислеа дека таму се ставаат четки и боја за да ги поканат посетителите да остават свој белег на уметничките дела, и тие едноставно погрешиле. Во моментов се обидуваме да најдеме решение со уметникот за реставрација на неговото дело “. Според Канг, графитите не биле врамени заради својата големина, но како што многумина веруваат, тој делумно придонел за овој непријатен настан.
Популарноста на безименото уметничко дело се зголеми по овој настан, па голем број луѓе се упатија кон галеријата за да го фотографираат пред да го поправат. Сепак, вработените по инцидентот веднаш поставија ограда и знаци за предупредување, за да не се повтори истата ситуација.
