„Толку сум возбудена од реакциите на луѓето кон новите технологии како роботиката“, изјави Софија за Ројтерс.
Дигиталното уметничко дело на хуманоидниот робот Софи е продадено на аукција во четвртокот за 688.888 долари во форма на незаменлив токен (NFT). NFT е незаменлив токен, односно еден вид криптографски токен, чија инстанца е единствена, и затоа не може да се разменува или заменува со друг сличен токен.
НФТ, дигиталните оригинални потписи овозможуваат секој да ја потврди сопственоста и автентичноста на предметите и станаа најновата луда инвестиција, со едно уметничко дело продадено за скоро 70 милиони долари овој месец.
Софија, која беше претставена во 2016 година, ги создаде своите уметнички дела во соработка со 31-годишниот италијански дигитален уметник Андреа Бонацет, познат по нејзините живописни портрети, од кои некои прикажуваат познати личности, како што е извршниот директор на Тесла, Елон Маск.
Наречено „Sophia Instantiation“, дигиталното дело е датотека MP4 од 12 секунди што ја покажува еволуцијата на портретот на Бонацет, проследено со физичко уметничко дело насликано од Софија.
„Толку сум возбудена од реакциите на луѓето кон новите технологии како роботиката … и мило ми е што сум дел од оваа креативност“, изјави Софија, која носела сребрен фустан, за новинарската агенција Ројтерс.
Идентитетот на купувачот не беше веднаш познат. Hanson Robotics од Хонг Конг изјави дека се изненадени од темпото на наддавање или лицитација. „Бевме зачудени кога видовме колку брзо купувачите се натпреваруваат, но и поради самото финале на аукцијата. Беше навистина возбудливо “, рекоа тие. Колекционер на уметност и инвеститор Жан Чу верува дека многу пари ќе бидат инвестирани во дигитални добра. И додека секторот за дигитални уметности во моментов изгледа нестабилно, тој гледа огромен потенцијал.
„Она што го гледаме во моментов изгледа како мал меур, особено во светот на уметноста NFT“, рече Чу. „На крајот, многу е јасно дека се случува огромна промена во однос на тоа како општеството и потрошувачите го менуваат своето мислење за дигиталните добра“, додаде тој. „И прилично е изненадувачки каде ова ќе не однесе“.
