Интернетот имаше силни реакции на скапиот накит кој изгледа поевтин од пластичните кеси…
Најновата палета на накит Bottega Veneta стана предмет на потсмев на Интернет. Фановите и оние кои не се грижат премногу за високата мода, ја исмеваат италијанската луксузна куќа поради новите ѓердани, обетки и нараквици, кои чинат помеѓу 800 и 2.000 долари, а се создадени во форма на стари телефонски кабли.
Познатиот профил на Инстаграм, Diet Prada, објави споредба на телефонски кабли во пастелна боја, што може да се купат за цена од пет долари преку платформата eBay и ѓерданот Bottega Veneta, кој чини 2.000 долари, а сличноста меѓу нив е неверојатна. Стотици корисници на Инстаграм веднаш коментираа за скапиот накит, прашувајќи се дали некој некогаш би потрошил толку пари на овие креации. Веројатно многумина се запрашале дали оваа колекција е наменета за членовите на генерацијата Z, кои веројатно не се сретнале со овие кабли во реалниот живот, додека други биле револтирани од фактот дека многу, навистина рачно изработени парчиња со вистинска вредност се продаваат по далеку пониски цени.
На крајот, ќе ве оставиме сами да процените – Новитетите на Bottega Veneta, достапни за купување преку нивната веб-страница, можете да ги видите во галеријата и да видите дали вредат колку што вредат.
