Какво значење има ако често гледате преку бројот 111 – Универзумот има важна и моќна порака за вас!
Се верува дека Универзумот често комуницира со нас преку разни знаци, а еден од нив е нумерички обрасци, односно одредени низи на броеви.
Ако честопати гледате одредени броеви што се повторуваат, на пример на регистарски таблички, куќни броеви, сметки, на часовникот или на кое било друго место, тоа може да значи дека Универзумот ви кажува нешто важно.
Кетрин Хурст, експерт за Законот за привлекување, објаснува: “Универзумот користи броеви за да комуницира со нас и така суптилно нè потсетува дека треба да се фокусираме на нешто важно. Различни низи на броеви имаат различно значење”.
Според нумерологијата и во духовна смисла, најважни се „главните“ или ангелските броеви, како што се низите 111, 222 или 333.
Се верува дека најмоќната енергија и најважното значење е преку 111, и еве ја нејзината симболика:
Ако честопати гледате низа броеви од три единици, тоа значи дека сте на вистинскиот пат и дека вибрациите ви се на голема фреквенција. 111 ви кажува да го следите срцето и да ја слушате вашата интуиција. Повторувањето на оваа низа покажува дека сте на пат да достигнете највисоко ниво на духовно будење.
Вашите мисли, верувања и визуелизации се во совршена рамнотежа, што доведува до побрзо манифестирање на вашите желби. Оваа исклучително интуитивна бројка покажува дека сте силни и напредувате, но дека треба повеќе да верувате во себе, своите таленти и способности. Тоа ви покажува дека е време да го искористите максимално вашиот потенцијал.
Останете позитивни и работете на вашата свест и духовна страна. Ако не ги игнорирате знаците на Универзумот, можно е наскоро да имате можност да ја изградите посакуваната иднина.
